Fraktallar geometriyasi: jozibador va beto'xtov olam
Bir necha asrlar mobaynida matematika Yevklid geometriyasining ajoyibotlari olamiga maftun bo'lib yashadi. Lekin, bugungi zamon matematikasi o'ziga boshqa bir mahbub yo'nalish - fraktallar geometriyasini kashf qilgan.
Fraktallar geometriyasi bizning qarshimizda borliqning butunlay yangi jozibasini ochib bermoqdaki, hayratlanmaslikning iloji yo'q.
Tasavvur qiling, biz O'zbekistonning Turkmaniston bilan chegarasi uzunligini xaritaga qarab aniqlamoqchimiz. Buning uchun biz, chegara chizig'i bo'ylab ikki nuqta orasidagi masofani oddiy chizg'ich bilan o'lchab, keyin, olingan natijani, xaritaning miqyos-masshtab bilan taqqoslab, chegaraning umumiy uzunligini chiqarishimiz mumkin bo'ladi. Natijada, biz chegara uzunligining taxminiy, taqriban yaqin qiymatiga ega bo'lamiz. Albatta, bu asl real chegara uzunligining eng aniq o'lchanishi, yoki, hisoblanishi bo'la olmaydi. Bu masofani aniqlashning yana bir usuli - sirkul olib, uning ignalari oraliq masofasini 1 sm qilib aniq belgilab qotirib, xarita bo'ylab chegarani boshidan oxirigacha qadamlab o'lchab chiqish.
O'z zakosi bilan dunyoni lol qoldirgan va Nobel mukofotiga sazovor bo'lgan 15 olima
Platon jismlarini maktab geometriya kursida muntazam ko'pyoqlar deb tanishtiriladi. Muntazam ko'pyoq bu - yoqlari muntazam ko'pburchaklardan tashkil topgan, ya'ni, tomonlari va burchaklari teng kattalikda bo'lgan uch o'lchamli geometrik obyektdir. Platon jismining har bir cho'qqisidan bir xil sondagi qirralar chiqib keladi. Platon jismlari ichida eng taniqlisi va soddasi bu - kub bo'lib, uning hamma 6 ta yog'i bir xil o'lchamdagi kvadratlardan tashkil topgan bo'ladi.
